Մարդիկ ինֆորմացիան ընկալում են 4 հիմնական ուղիներով, որոնք են՝ վիզուալ, աուդիալ,
կինեստետիկ և վերջինը համարվում է համահոտային: Առօրեայում մենք գործ ենք ունենում
տարբեր մարդկանց հետ, որոնց հետ չենք կարող նույն տարբերակով կոնտակտ հաստատել: Այստեղ
շատ կարևոր է, թե տվյալ անձը, ում հետ ուզում ենք ծանոթանալ կամ գործնական հարաբերություններ
հաստատել, ինֆորմացիան ինչպես են առավել լավ ընկալում, այնպես որ փորձեք օգուտ քաղել
այս տեղեկատվությունից: Փորձեմ ավելի պարզ ներկայացնել, թե դրանք ինչ են նշանակում:
ՎԻԶՈՒԱԼ. Կան մարդիկ, որոնց մոտ ավելի շատ զարգացած է տեսողականը. նրանք հիմնականում
օգտագործում են <<տեսնում եմ>>,
<<չեմ պատկերացնում>>, <<ի՞նչ տեսք
ունի>> և նմանատիպ բառեր ու նախադասություններ: Այդ մարդիկ, ովքեր մեծ տեղ են
հատկացնում արտաքին տեսքին, նայում են զրուցակցի ուղիղ աչքերին, լավ են տիրապետում
ժեստերի լեզվին, ունեն խնամված արտաքին: Որպեսզի հավատ ներշնչեք և համոզեք նրանց, ապա
հարկավոր է լավ տպավորություն թողնել, ավելի մեծ ուշադրություն հատկացրեք կոկիկ տեսքին
ու լուրջ պահվածքին:
ԱՈՒԴԻԱԼ. Երբ ձեր շրջապատում հանդիպում եք այնպիսի մարդկանց, ովքեր խոսելիս
իրենց ականջն են մոտեցնում, մեծ ուշադրություն դարձնում բառերին, ապա նրանք այս խմբում
են: Հիմնականում օգտագործում են այսպիսի բառեր ու նախադասություններ՝ <<լսում
եմ>>, <<ձայնը նման է այն երգչին>>, <<ինչպիսի հանգստություն>>
և այլն, իհարկե նման մարդկանց հետ ավելի հեշտ կլինի շփում հաստատել, եթե հետևեք ձեր
խոսքին:
ԿԻՆԵՍՏԵՏԻԿ. Համոզված եմ, որ ձեր շրջապատում կան այնպիսի մարդիկ, ովքեր խոսելիս
սկսում են ձեռքով կպչել զրուցակցին, շոյել, թեթևակի հարվածել, խաղալ հագուստի հետ.
նրանք շատ զգացմունքային են, շուտ են տպավորվում: Կարող եք լսել՝ <<փշաքաղվեցի>>,
<<զգում եմ>>, <<ինչ սարսափելի պատմություն է>> և այլն: Նրանց
հուզելը հեշտ է, նաև շուտ են բռնկվում, ուստի հարկավոր է զգույշ լինել այդպիսի մարդկանց
հետ շփվելիս:
ՀԱՄՈՒՀՈՏԱՅԻՆ. Արդեն պարզ է, որ այս դեպքում ավելի շատ զարգացած է համի և հոտի
զգայարանը: Այն օծանելիքի բույրը, որ դուք կարող եք մոռանալ, ապա դժվար թե նման հոտառություն
ունեցող մարդիկ խառնեն կամ չհիշեն, իսկ այն խոհարարները, ովքեր ունեն նման համի զգացողություն,
ապա մնում է միայն վստահել նրանց ճաշակին…
Комментариев нет:
Отправить комментарий