Երբեմն մարդիկ ինքնաբերաբար
որոշակի պատկերներ կամ խզբզանքներ են նկարում թղթի վրա: Հոգեբանների կարծիքով՝ այդ
պատկերները հարուստ ինֆորմացիա են տալիս մարդու բնավորության և տրամադրության
մասին: Նայելով այդ պատկերներին՝ կարող եք տեղեկություններ ստանալ մարդկանց
խոսքային և ոչ խոսքային վարքի մասին:
1.Պարույրներ, շրջաններ, ալիքաձև գծեր: Այսպիսի
պատկերներ նկարող մարդկանց քիչ են հետաքրքրում առօրեական խնդիրները: Եթե նրանք
ստիպված են զբաղվել ուրիշ գործով, փորձում են հնարավորինս արագ վերջացնել դրանք և
ուշադրությունը կենտրոնացնում են սեփական անձի վրա: Այդպիսի պատկերներ սովորաբար
նկարում են ճգնաժամային իրավիճակում գտնվող կամ որոշման ընդունման առջև կանգնած
մարդիկ:
2.Արեգակ, ծաղիկներ, ծաղկեփունջ: Այսպիսի պատկերներ
նկարողները ներքուստ այնքան էլ ուրախ մարդիկ չեն, թեև արտաքինից չես կարող կռահել:
Նրանք ամենաշատը կարիք ունեն ընկերության և քնքշանքի, իսկ թղթի վրա արտացոլում են
հետևյալ միտքը. <<ինձ ուշադրություն դարձրեք>>:
3.Ցանցեր նկարող մարդիկ ենթագիտակցորեն
զգում են, որ ընկել են վտանգավոր կամ անելանելի դրության մեջ: Եթե նկարը շրջագրված
է, նշանակում է՝ պրոբլեմն արտաքինից լուծվել է: Այս մարդիկ կարող են կուլ տալ
վիրավորանքներ սեփական անձի նկատմամբ, սակայն չարտահայտվելով ավելի խորացնել
ատելությունը վիրավորանք հասցնողի նկատմամբ, ինչը չափազանց վտանգավոր է:
4.Խաչերը
մեղավորության զգացում են արտահայտում: Եթե զրուցելիս կամ գործարար հանդիպման
ժամանակ խաչեր եք նկարում, ուրեմն ձեզ ինչ-որ հարց է տանջում կամ ձեր զրուցակցի
կողմից որոշակի ճնշում կա, ընդհուպ՝ հանդիմանություն:
5.Մարդուկներ նկարում են սովորաբար անօգնական վիճակում կամ էլ որևէ
պարտականությունից խուսափելու դեպքում: Այդ պատկերը նկարող անձն առավել հակված է
<<ոչ>> բառն ասելու կամ թուլության պատճառով հանձնվելու, զենքերը վայր
դնելու միտում ունի:
6.Քառակուսիներ, եռանկյուններ և այլ երկրաչափական պատկերներ
նկարող մարդկանց հեշտ չէ խաբել կամ հիմարեցնել: Նրանք հստակ համոզմունքներ ու
դիրքորոշումներ ունեն, չեն թաքցնում իրենց կարծիքը, հազվադեպ են վախենում
հակառակորդներից և մրցակիցներից: Նրանք առավել ուշադիր են և կարողանում են
կենտրոնանալ խնդիրների վրա: Որքան ավելի անկյունավոր և կոպիտ են երկրաչափական
պատկերները, այնքան նկարողն ավելի համառ է, ագրեսիվ և նպատակասլաց:
7.Խարիսխ կամ նմանատիպ պատկերները վկայում են հանգիստ,
ներդաշնակ կյանք ձգտող մարդու մասին: Դրանք կարող են նշանակել նաև ընտանեկան օջախ
ստեղծելու ցանկություն: Ձեր նկարը մատնում է թաքուն երազանքների մասին, որը թեև
չեք ցանկանում խոստովանել:
8.Շախմատի
դաշտ սովորաբար նկարում են այն մարդիկ, ովքեր գտնվում են տհաճ կամ դժվարին
իրավիճակում և երազում են այդ վիճակից դուրս գալու պարզ ու հուսալի ճանապարհների
մասին: Նրանք ունեն նաև որոշ բարդույթներ, որոնք ավելի են խճճում իրավիճակի
բարդությունը:
9.Միահյուսված շրջաններ: Այդպիսի նկարներն արտահայտում են ձեր
այն զգացողությունը, որ ինչ-որ իրադարձությունից դուրս եք գտնվում կամ միայնակ եք
մնացել: Փորձեք պարզել, թե ինչու եք հայտնվել <<խաղից դուրս>>
վիճակում և աշխատեք շտկել դա, որպեսզի դեպրեսիայի մեջ չհայտնվեք ոչ մեկին
պետք չլինելու անտրամաբանական համոզմունքի պատճառով:
1 комментарий:
Ձեր գրառումը տեղ գտավ www.BlogNews.am կայքում: Շնորհակալություն:
Отправить комментарий