ՑՈՒՑԱՀԱՆԴԵՍԻ ՀՐԱՎԵՐ

Մարտի 16-ին ժամը 15.00-ին Ճարտարապետության ազգային թանգարան-ինստիտուտում կբացվի  ճարտարապետ Սերգեյ Աղաբաբյանի գեղանկարչական աշխատանքների անհատական ցուցահանդեսը: Ներկայացվելու է հեղինակի ավելի քան 100 գեղանկարչական աշխատանքները:

Ճարտարապետ Սերգեյ Աղաբաբյանը  ծնվել է Վանաձոր քաղաքում, 1955 թվականին: 1969թ.-ին ավարտել է Վանաձորի Ստեփան Աղաջանյանի անվան նկարչական դպրոցը, 1977թ.-ին` Երեվանի Պոլիտեխնիկական ինստիտուտի ճարտարապետության ֆակուլտետը: Որպես ճարտարապետ-վերականգնող` աշխատել է Վանաձորում: Ճարտարապետությանը զուգահեռ նկարել է Լոռվա բնությունը: 2011թ-ին գեղանկարչական աշխատանքների անհատական ցուցահանդես է ունեցել Վանաձորում: Ճարտարապետության  ազգային թանգարան-ինստիտուտիում բացվող այս ցուցահանդեսը հեղինակի առաջին անհատական ցուցահանդեսն է Երեվանում: Ցուցահանդեսը բաց կլինի մինչև ապրիլի 16-ը:

ՄԱՐՏԻ 15-Ը՝ ՍՊԱՌՈՂՆԵՐԻ ՄԻՋԱԶԳԱՅԻՆ ՕՐ

Մարտի 15-ը նշվում է որպես սպառողների իրավունքների պաշտպանության համաշխարհային օր: Այս տոնի հիմնադրման հիմք է հանդիսանում 1961 թվականի ԱՄՆ-ի կոնգրեսում պրեզիդենտ Ջ. Քենեդու ելույթը, որում սահմանվել է սպառողների չորս հիմնական իրավունքները՝ անվտանգության, տեղեկության, ընտրության և լսված լինելու իրավունքները:

ԵՐԲՎԱՆԻՑ Է ՀԱՅՏՆԻ ՀԱՅԵԼԻՆ. ՄԱՍ 2

Սկիզբը՝ 

http://marineamiryan.blogspot.com/2012/03/blog-post_06.html

Սակայն ֆրանսիացիներին, կաշառելու միջոցով, հաջողվում է գողանալ հայելի պատրաստելու  տեխնոլոգիան և ծավալել մեծ արտադրություն: Դրանցով զարդարում էին պահարանները, սեղաններն ու մահճակալները: Պարահանդեսների ժամանակ կանայք զգեստներին կարում էին հայելու մանր կտորներ: Սրահի մոմերի լույսը, արտացոլվելով պարող կանանց զգեստների հայելիների մեջ, պարասրահում ստեղծում էին շլացուցիչ

ՄԱՐՏԻ 14-Ը՝ π ԹՎԻ ՕՐ

Մարտի 14-ը Ալբերտ Էյշտեյնի (1879-1955) ծննդյան օրն է: Որոշ մաթեմատիկոսների նախաձեռնությամբ այդ օրն աշխարհում տոնում են π թվի օրը: Տոնակատարության ժամանակ ձոն են կարդում π թվին, պատմում մարդկության կյանքում նրա դերակատարման մասին, նկարագրում, թե կյանքը ինչքան անտանելի կլիներ առանց այդ թվի: Այդ օրը ուտում են կարկանդակ (անգլերեն pie = π), օգտագործում են խմիչքներ և խաղում խաղեր՝ բոլորը π տառով սկսվող:

π թիվը հնուց ի վեր եղել է մաթեմատիկոսների և եկրաչափների ուշադրության կենտրոնում: Ուշագրավ է, որ π թվի առաջին զարմանալիորեն ճիշտ արժեքը տվել է դեռևս Քրիստոսի ծննդից ավելի քան երկու դար առաջ հանճարեղ սիրակուզեցի գիտնական Արքիմեդը: Նա սահմանել է, որ այդ արժեքը գտնվում է 3 10/71 և 3 1/7-ի միջև: Այս արժեքը, ինչպես նաև դրա գտնելու մեթոդը կիրառվում էր մինչև 17-րդ դարը:

Այսօր π թվի ճշգրիտ արժեքն է՝ 3,141592:

ՀՈԼԻՎՈՒԴՅԱՆ ՖԻԼՄԵՐԻ ԼԱՎԱԳՈՒՅՆ ԵՐԱԺՇՏՈՒԹՅՈՒՆԸ ԲՈՒՀԵՐՈՒՄ

Հայաստանի պետական երիտասարդական նվագախումբը և Հայաստանում Ամերիկայի Միացյալ Նահանգների դեսպանատունը մարտի  15-27-ը  Երևանի 8  բարձրագույն ուսումնական հաստատություններում հանդես կգան  «Երիտասարդները երիտասարդների համար» համատեղ նախագծով:  Այս համերգները նշանավորում են հայ-ամերիկյան դիվանագիտական հարաբերությունների 20-ամյակը: Հայաստանի պետական երիտասարդական նվագախումբը,