Փառատոնն այս տարի ևս հանդիսատեսին հնարավորություն կընձեռի հանդիպելու արտերկրում ապրող և ստեղծագործող տաղանդաշատ մեր հայրենակիցներին, առնչվելու դասական երաժշտության գոհարների հետ:
Հոկտեմբերի 3-ին, ժ.19.00-ին, Կոմիտասի անվան կամերային երաժշտության տանը ելույթ
կունենա <<Դարիուս Միյո>> դաշնամուրային
դուետը՝ Արմինե Սողոմոնյան (Հայաստան)
և Անահիտ Սողոմոնյան (Ֆրանսիա):
Ծրագրում՝
Ֆ. Շուբերտ - <<Ֆանտազիա>> f-moll op.103
Շուբերտ - Պրոկոֆև <<Վալսեր>>
Ֆ. Լիստ - <<Պրելյուդներ>>
Կ. Դեբյուսի - <<Փոքր սյուիտ>>
Ֆ. Պուլենկ - 3 Պիես
Կ. Սեն-Սանս -<<Վարիացիաներ Բեթհովենի թեմայով>>
op.35
Արմինե և Անահիտ Սողոմոնյան քույրերը դեռևս փոքր տարիքից դաշնամուրային անսամբլով բազմաթիվ ելույթներ են ունեցել: Հետագայում Անահիտ Սողոմոնյանը իր ուսումը, կատարողական և աշխատանքային գործունեությունը շարունակել է հայրենիքից հեռու: Սակայն երաժշտությունը քույրերին նորից միավորել է, և արդեն 15 տարուց ի վեր նրանք միասին հանդես են գալիս տարբեր բեմահարթակներում:
Կոմպոզիտոր Դարիուս Միյոյի այրին, հմայված լինելով ամուսնու ստեղծագործության հիանալի մեկնաբանմամբ, քույրերին առաջարկում է կրել կոմպոզիտորի անունը՝
ի նշան երախտագիտության: Դարիուս Միյո դաշնամուրային դուետը, իր կատարողական արտիստիզմով, նրբությամբ, հուզականությամբ և անկեղծությամբ, գրավել է հանդիսատեսի և երաժշտական քննադատների ուշադրությունը: Դաշնամուրային դուետը բազմիցս մասնակցել է հեղինակավոր փառատոներին, ինչպես նաև համերգներ է ունեցել Եվրոպայի մի շարք երկրներում:
Դաշնամուրային դուետը Ֆրանսիայում թողարկել է 2 ձայնասկավառակ և 2 տեսաերիզ:
Վերադարձի դասական երաժշտության վեցերորդ փառատոնը հայ հանդիսատեսին կներկայանա 8 համերգից բաղկացած համերգաշարով և
կավարտվի
հոկտեմբերի 31-ին:
Комментариев нет:
Отправить комментарий