ԽՈՐՀՈՒՐԴՆԵՐ ԱՄՈՒՍՆԱՑԱԾ ՏՂԱՄԱՐԴԿԱՆՑ

1.Հատկապես ուշադիր և քնքուշ եղեք ամուսնության առաջին ամսում, առաջին տարում և տասներորդ տարում: Հոգեբանները պարզել են, որ կանայք ուշադրության նշաններ են փնտրում հատկապես այդ ճգնաժամային համարվող ժամանակահատվածներում:

2.Հնարավորինս հաճախ քնքուշ բառեր ասեք ձեր կնոջը: Սակայն չափի զգացումն անգամ այս հարցում կորցնել պետք չէ. <<դերասանի>> տպավորություն կթողնեք:

3.Նվերների և հաճոյախոսությունների հարցում բազմազանություն ցուցաբերեք: Մշտապես կրկնվող նույնիսկ ամենաշոյիչ հաճոյախոսությունները կարող են հակառակ ազդեցություն թողնել:

4.Աշխատանքի գնալիս և այնտեղից վերադառնալիս համբուրեք նրան: Կանայք այս հարցում չափազանց զգայուն են: Վստահ եղեք` ձեր քնքշանքը կփոխատուցվի կրկնակի ջերմությամբ:

5.Եթե ցանկանում եք վաստակել ձեր կնոջ հարգանքն ու մեծ հեղինակություն դառնալ նրա համար, ապա տան ամենածանր գործերը ձեզ վրա վերցնեք:

6.Ընտանեկան վեճերի ժամանակ հիշեք, որ ձեր առջև կին է, ոչ թե տղամարդ. բռունցքներն ու հայհոյանքներն անմիջապես ձեզ կվարկաբեկեն նրա աչքում: Իսկ ահա ջենտլմենին վայել պահվածքը լիովին կզինաթափի նրան. չէ՞ որ նա կին է:

7.Երբեմն-երբեմն ընտանեկան հավաքույթներ կազմակերպեք: Թող ձեր կինը տեսնի, թե որքան առատաձեռն եք իր բարեկամների ու հարազատների հանդեպ:

8.Երբեմն նրան … ուրիշ տղամարդու աչքերով նայեք: Խանդի զգացում ապրեցիք: Շատ լավ է: Այ հիմա կսկսեք էլ ավելի գնահատել նրան:

9.Մի շտապեք բաժանվել: Հիշեք` յուրաքանչյուր մարդ թերությունների իր <<հավաքածուն>> ունի, և երբեք չես կարող ասել, թե ահա այն կինը, որ հեռվից հիասքանչ է թվում, ինչպիսին կլինի ընտանեկան  հարաբերություններում:

10.Ցանկացած կին իր հմայքն ունի: Ոմանց մոտ այն անմիջապես է աչք զարնում, մյուսների դեպքում պետք է գտնես հոգու խորքերում: Եթե դուք մինչև օրս ձեր կնոջ մեջ չեք գտել նրա հմայքի գաղտնիքները, ուրեմն լավ չեք փնտրել: