ԳՐՔԻ ԵՎ ՀԵՂԻՆԱԿԱՅԻՆ ԻՐԱՎՈՒՆՔԻ ՄԻՋԱԶԳԱՅԻՆ ՕՐ

Ապրիլի 23-ն աշխարհում ընդունված է տոնել որպես գրքի և հեղինակային իրավունքի միջազգային օր: Ապրիլի 23-ը խորհրդանշական օր է համաշխարհային գրականության համար: 1564թ. ապրիլի 23-ին Ստրատֆորդում ծնվել եւ իր ծննդյան 52-րդ տարեդարձի օրը` 1616թ. ապրիլի 23-ին մահացել է աշխարհի ամենահայտնի մարդկանցից մեկը` չգերազանցված դրամատուրգ ՈՒիլյամ Շեքսպիրը: Ծննդյան եւ մահվան օրերի զուգադիպությունը ճակատագրական պատահականություն չէ. դրամատուրգն ինքն է ընտրել իր մահվան օրը: Շեքսպիրը վերջ է տվել կյանքին` թունավորվելով, ինչպես իր հերոսները` Ռոմեոն, Ջուլիետը, Օթելլոն, Ռեգենան, Կլեոպատրան, Անտոնիոսը, ինչը, եթե հիշում եք, պատրաստվում էր անել Համլետը...

Այդ օրը` 1616 թ-ի ապրիլի 23-ին վախճանվել է նաև համաշխարհային գրականության դեմքերից մեկը՝ Միգել դե Սերվանտեսը, ինչպես նաև` իսպանացի բանաստեղծ Գարսիլասո դե լա Վեգան` 1536թ-ին: Ապրիլի 23-ը նաև մահվան կամ ծննդյան օրն է այնպիսի նշանավոր հեղինակների, ինչպիսիք են Մորիս Դրյուոնը, իսլանդացի Հադլդոուր Լաքսնեսը, Վ. Նաբոկովը և այլն:

1995թ-ին ՅՈՒՆԵՍԿՈ-յի որոշմամբ ապրիլի 23-ը ընդունվեց որպես գրքի և հեղինակային իրավունքի օր:

ԹԵՅ ԵՎ ՍՈՒՐՃ. ՀԱՄԵՂ, ՕԳՏԱԿԱՐ ՈՒ ԱՆՓՈԽԱՐԻՆԵԼԻ ԸՄՊԵԼԻՔ

ԹԵՅԸ ՄԻԱՅՆ ԸՄՊԵԼԻՔ ՉԷ 

Գեղեցկության բնական միջոցներ կարելի է պատրաստել անգամ ամենասովորական թեյից: Դեմքը մաքրեք աղաջրով պատրաստած կանաչ թեյով, և մաշկը կվերականգնի իր թարմ ու առողջ տեսքը: Կանաչ թեյից կարող կարող եք նաև սառցակտորներ պատրաստել և դրանցով սրբել մաշկը: Թեյի թույլ լուծույթով կարելի է մաքրել դիմահարդարումը: Կարկադե կարմիր թեյով սրբեք դեմքը, եթե պզուկներ են հայտնվել: Թեյով պատրաստած դիմակն օգնում է արևից բորբոքված մաշկի, ինչպես նաև լայնացած անոթների դեպքում: Փափուկ կտորը կամ թանզիֆը թրջեք թեյի լուծույթով և դրեք դեմքին: Թողեք 10-20 րոպե: Եթե մաշկը չոր է, դիմակից հետո կարեկի է սնուցող քսուկ օգտագործել:

ՈՒՍԱՆԵԼԻ ԱՌԱԿՆԵՐ ՀՐԱՉՅԱ ԱՄԻՐՅԱՆԻ ԺՈՂՈՎԱԾՈՒՆԵՐԻՑ

ԱՌԱԿ ԳՈՐՏԻ ՈՒ ԹԹՎԱՍԵՐԻ ԿՃՈՒՃԻ ՄԱՍԻՆ

Աշխարհիս երեսին երկու գորտ էին ապրում։ Նրանք ընկերներ էին և նույն առվակում էին ապրում։ Միայն թե նրանցից մեկն իսկական անտառային գորտ էր՝ խիզախ, ուժեղ, ուրախ, իսկ մյուսը ո՛չ այս էր, ո՛չ այն, վախկոտ էր, ծույլիկ ու քնկոտ։ Նրա մասին նույնիսկ ասում էին՝ իբր նա ոչ թե անտառում, այլ քաղաքային ինչ–որ զբոսայգում է ծնվել։ Բայց և այնպես նրանք միասին էին ապրում։
Եվ ահա մի անգամ գիշերը նրանք գնացին զբոսնելու։ Իրենց համար գնում էին անտառային ճանապարհով ու հանկարծ մի տուն տեսան։ Իսկ տան մոտ մառանն էր։ Եվ այդ մառանից շատ լավ բուրմունք էր գալիս. բորբոսի, խոնավության, մամուռի, սնկերի բուրմունք։ Իսկ դա հենց այն է, ինչ գորտերը սիրում են։ Դե, նրանք էլ արագորեն մտան մառան, սկսեցին այնտեղ վազվզել, ցատկոտել։ Ցատկոտեցին, ցատկոտեցին ու անզգուշորեն ընկան թթվասերով լցված կճուճը։ Եվ սկսեցին խեղդվել։

ԱՊՐԻԼԻ 22 - Ը՝ ԵՐԿՐԱԳՆԴԻ ՄԻՋԱԶԳԱՅԻՆ ՕՐ

Ապրիլի 22-ը համարվում է Երկրագնդի միջազգային օրը: Ի տարբերություն Երկրագնդի մյուս միջազգային օրվա` մարտի 21-ի, այս օրը կոչված է միավորելու Երկրագնդի բնակիչներին շրջակա միջավայրի պաշտպանության գործում: Ապրիլի 22-ի այս հետաքրքիր արարողությունը սկզբնավորվել է ԱՄՆ-ում: Առաջին անգամ իրականացվել է 1970 թ-ի ապրիլի 22-ին, որից հետո աստիճանաբար տարածվել է ամբողջ աշխարհում, ընդգրկել նորանոր պետություններ և տարածքներ:

Հայաստանի պետական երիտասարդական նվագախումբն արդեն երկրորդ անգամ է, ինչ ազդարարում է "Վերածնունդ" միջազգային փառատոնի մեկնարկը

2012 թվականի ապրիլի 10-ին Գյումրու Վարդան Աճեմյանի անվան դրամատիկական  թատրոնում տեղի ունեցավ "Վերածնունդ" միջազգային փառատոնի պաշտոնական բացումը: Միջոցառմանը ներկա էին առաջին տիկին Ռիտա Սարգսյանը, մշակույթի նախարար Հասմիկ Պեղոսյանը, <<Փյունիկ>> մարդկային ռեսուսների զարգացման հիմնադրամի հոգաբարձուների խորհրդի նախագահ Լևոն Սարգսյանը, Շիրակի մարզպետն ու Գյումրու քաղաքապետը, Երեւանի պետական կոնսերվատորիայի ռեկտոր, պրոֆեսոր Շահեն Շահինյանը,  ինչպես նաև  Գյումրու արվեստասեր հասարակությունը:

ԽՈՐՀՈՒՐԴ Է ՏԱԼԻՍ ԿՈՍՄԵՏՈԼՈԳԸ

1. Կանոնավորապես երիտասարդացնող միջոցներ օգտագործեք: Քանի որ այսպիսի քսուկներն ակտիվ նյութեր են պարունակում, հեռու պահեք արևի ճառագայթների ազդեցությունից և 4-6 ամսից շատ մի օգտագործեք: Հակառակ դեպքում՝ քսուկը կարող է կորցնել իր երիտասարդացնող հատկությունը:
2. Պետք չէ քսուքներից հրաշքներ ակնկալել. բոլոր կնճիռները միանգամից կարող է վերացնել միայն պլաստիկ վիրահատությունը: Եվ, այնուամենայնիվ, երիտասարդացնող քսուքները կնճիռներն ավելի աննկատ են դարձնում: Շատ կարևոր են ճիշտ խնամքն ու կոսմետոլոգիական որոշ պրոցեդուրաները` մերսում, պիլինգ, դիմակներ և այլն:
3. Պետք է հետևել առողջ ապրելակերպի կանոններին` օրը 2 լ ջուր խմել, չծխել, լիարժեք քնել և այլն: Առողջ ապրելակերպը նպաստում է երիտասարդացնող քսուքների արդյունավետությանը:

ՀԱՅԱՍՏԱՆԻ ԱՃՊԱՐԱՐՆԵՐԻ ՄԻՈՒԹՅՈՒՆԸ 1 ՕՐԱԿԱՆ Է

ՀԱՄ. այսուհետ այսպես կկոչվի Հայաստանի աճպարարների միությունը, որի բացումն ու կազմավորումը տեղի ունեցավ այսօր՝ ապրիլի 1-ին: Միության ստեղծման նպատակը, ըստ նորաստեղծ ընկերության նախագահ և հայտնի աճպարար Վարդան Ամիրյանի, անչափ կարևոր է, որպեսզի այն տաղանդավոր անձինք, ովքեր սիրում են, զբաղվում են այս արվեստով, կարողանան զարգացնել Հայաստանում և դուրս գալ միջազգային ասպարեզ: Հայաստանում ընդամենը 100 տարվա պատմություն ունեցող աճպարարության ճյուղն ունի բավականին հարուստ մշակույթ, ինչն էլ Հայաստանի աճպարարների միությանը հիմք է տալիս ստեղծելու թանգարան, որտեղ կհավաքվեն աճպարարությանը և հայ աճպարարներին վերաբերվող տարբեր նյութեր ու նկարներ:

Խորհրդանշական էր նաև ընտրված օրը, որը համընկավ ծիծաղի և հումորի օրվան՝ ապրիլի 1-ին, քանի որ այսօր Հայաստանի աճպարարները կարող են զբաղվել <<խաբեբայությամբ>> և բարի կատակներ անել:

՛՛ԵՐԿԱԿԻ՛՛ ԼՈՒՍԱՆԿԱՐՆԵՐ

Լուսանկարչության մեջ նորարությունները նոր երևույթ չեն, սակայն ԱՄՆ-ի բնակիչ Pakayla Biehn-ը փորձել է համագործակցել լուսանկարիչների հետ՝ նրանց աշխատանքները միաձուլելով ու ստանալով անչափ հետաքրքիր ու դրական պատկերներ: Ահա դրանցից մի քանիսը: